सिरहाको सखुवानान्कारकट्टीमा जसपा गाउँपालिका समिति विस्तारित बैठक सम्पन्न
शियाराम यादव, मंसिर १७
जनता समाजवादी पार्टी, नेपाल सखुवानान्कारकट्टी गाउँपालिका समिति द्वारा आयोजित विस्तारित बैठक आज सखुवानान्कारकट्टी–४, खेर्बोनास्थित श्री आधारभूत विद्यालयमा सम्पन्न भएको छ।
बैठक गा.पा. समिति अध्यक्ष नागेन्द्र कुमार यादवको अध्यक्षतामा सम्पन्न भएको थियो।कार्यक्रममा मुख्य वक्ताका रूपमा पार्टीका केन्द्रिय सदस्य सत्य नारायण यादव,विशिष्ट वक्ताका रूपमा केन्द्रिय सल्लाहकार समिति सदस्य खडक नारायण चौधरीले सम्बोधन गरेका थिए।
त्यसैगरी, समाजवादी विद्यार्थी यूनियन मधेश प्रदेश अध्यक्ष दिपेश यादव,जसपा जिल्ला उप–सचिव दिनेश महतो,जिल्ला कार्यकारीणी सदस्य प्रयाग लाल यादव,
निर्वाचन क्षेत्र नं. १(ख) का अध्यक्ष दिपेन्द्र कुमार यादव,पूर्व वडा अध्यक्ष महेन्द्र प्रसाद यादव र जसपा नगर अध्यक्ष राम उदगार महतो लगायतका नेताहरूले पनि कार्यक्रमलाई सम्बोधन गरेका थिए।
बैठकमा पार्टी संगठन सुदृढीकरण,आन्तरिक समन्वय,स्थानीय राजनीतिक अवस्था,र आगामी सांगठनिक रणनीति सम्बन्धमा विस्तृत छलफल गरिएको आयोजक समितिले जनाएको छ।कार्यक्रममा गाउँपालिका समिति, वडास्तरका समिति तथा स्थानीय कार्यकर्ताहरूको उत्साहपूर्ण उपस्थिति रहेको थियो।
जसपाले संघीयता, सुशासन, सामाजिक न्याय र समाजवादका मूल्यमान्यतालाई मजबुत बनाउँदै संगठनलाई अझ सक्रिय बनाउन प्रतिबद्धता व्यक्त गरेको छ।कार्यक्रमको आयोजना जनता समाजवादी पार्टी, नेपाल सखुवानान्कारकट्टी गाउँपालिका समिति, सिरहा द्वारा गरिएको हो।
अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।
तपाईंको प्रतिक्रिया लेख्नुहोस्