रामएकवाल राम
दोहा - बैदेशिक रोजगारीको सिलसिलामा कतारमा रहेका एक जना नेपालीको दुर्घटनामा परी मृत्यु भएको छ ।
सिराहाको मिर्चैया नगरपालिका -११ सितापुर घर भएका ३५ वर्षीय रामकुमार महराको मृत्यु भएको हो । कतार स्थित बि आर के ट्रेडिङ एण्ड ट्रान्सपोर्टेसन कम्पनीमा गत जनवरी १४ तारीखका दिन काम गरीरहेकै बेला दुर्घटना परी उपचारको क्रममा उनको मृत्यु भएको कम्पनीले बताएको छ।
रविदास समाज सेवा कतारका प्रमुख सल्लाहकार दिपेन्द्र कुमार महरा ,सिरहा सेवा समाज कतारका अध्यक्ष अध्यक्ष जयप्रकाश यादव लगायत विभिन्न समाजिक व्यक्तित्वहरुको संयुक्त सहयोग र नेपाली राजदूतावास कतारको समन्वयमा आज शवलाई नेपाल पठाएको छ।
रविदास समाज सेवा कतार र सिरहा सेवा समाज कतारले स्वर्गीय रामकुमार महराप्रति श्रद्धाञ्जलि अर्पण गर्दै, शोकाकुल परिवारजमा गहिरो समवेदना प्रकट गरेको छ। समाजले यस कठिन परिस्थितिमा प्रवासी नेपाली समुदायमा सहयोग पुर्याउने एक उदाहरण प्रस्तुत गरेको छ।
