हेल्प मधेशी कतारको पाचौं महाधिवेशन अक्टोबर १६ मा हुँदै

रामएकवाल राम

दोहा, कतार। कतारमा रहेका मधेशी समुदायका साझा संस्था हेल्प मधेशी कतारको पाचौं महाधिवेशन तथा शुभकामना अदान प्रदान कार्यक्रमको आयोजना गर्ने भएको छ।

अगामी शुक्रबार अक्टोबर १६ तारीख सनैया स्थित वेलफेएर रेस्टुरेन्टको सभाहलमा दिउँसो २ बजे देखि पाँचौ महाधिवेशन तथा दशै दिपावली एव छठ पर्वको उपलक्ष्यमा शुभकामना अदान प्रदान कार्यक्रमको तयारी तिव्र रुपमा भईरहेको संस्थाका कोषाध्यक्ष सन्तोष कुमार साहले जानकारी दिए।

तन मन धन स भन्ने भावका साथ अघि बढिरहेको संस्थाले महाधिवेशन मार्फत नयाँ नेतृत्वसँगै आगामी कार्यदिशा तय गर्नेछ।महाधिवेशन सँगै हुने विविध सांस्कृतिक कार्यक्रमले कतारमा रहेका मधेशी एव नेपाली समुदाय बिच भेटघाट, आत्मीयता र सांस्कृतिक एकताको वातावरण निर्माण गर्ने अपेक्षा गरिएको छ।

संस्थाले यस महाधिवेशनमा संस्थागत समीक्षा, भावी कार्ययोजना तथा विभिन्न क्षेत्रमा योगदान पुर्याउने व्यक्तित्वहरूलाई सम्मान समेत गर्ने कार्यक्रम तय गरेको छ।संस्थाले कतारमा रहेका नेपालीहरूलाई सहभागिताको लागि आग्रह गरिएको छ।