रुबी साह हत्या प्रकरण : आरोपीको आत्मदाहपछि रोकिन्छ कि घटना, गम्भीर अनुसन्धानको सुरुवात हुन्छ?

शियाराम यादव , भदौ -१२

 रुबी साह हत्या प्रकरण नयाँ मोडमा पुगेको छ। घटनामा संलग्न भनिएका मूख्य आरोपी लक्ष्मण पासवानले आत्मदाह प्रयासपछि उपचारका क्रममा ज्यान गुमाए। तर उनले आत्मदाह गर्नुअघि सार्वजनिक गरेको भिडियोले प्रकरणलाई झन् पेचिलो बनाएको छ।भिडियोमार्फत पासवानले रुबी साहकी आमा, सखुवाका राजन महतो र साहकी देवरमाथि संलग्नताको आरोप लगाएका थिए। साथै, साहकी देवरले अनैतिक भिडियो बनाएर आफूलाई ब्ल्याकमेल गरेको समेत दाबी गरेका छन्।

यस्तो अवस्थामा प्रश्न उठेको छ– के पासवानको मृत्युसँगै यो प्रकरण यतिमै रोकिनेछ त? कि अब उनका आरोपका आधारमा थप प्रमाण संकलन गर्दै गहिरो अनुसन्धान अघि बढ्नेछ?

स्थानीयवासी तथा नागरिक समाजले यस घटनामा संलग्न सबै व्यक्तिमाथि निष्पक्ष छानबिन गरी सत्य तथ्य बाहिर ल्याउन सरकार र प्रहरी प्रशासनसँग माग गरेका छन्।