देवरको यौन इच्छा अस्वीकार्दा हिंसामा परेकी राधा साह न्याय खोज्दै

शियाराम यादव ,भदौ -६

सिरहाको गोलबजार–२ निपनिया माइती घर र अर्नमा गाउँपालिका–२ ब्रह्मपुरी ससुराली भएकी राधा साह हालै घरेलु हिंसाको ज्वलन्त उदाहरण बनेकी छिन्।उनका देवर बिसुन दयाल साहले यौन इच्छा पूरा नगरेको कारण देखाउँदै मर्नासन्न हुने गरी निर्घात कुटपिट गरेका छन्। घटनाबारे जानकारी गराउँदा राधाका श्रीमान शिव दयाल साहले पनि “घरको कुरा घरमै मिलाउनुपर्छ” भन्दै उल्टै दवाव दिए। श्रीमानको कुरा नमानेपछि राधा श्रीमानबाट समेत कुटपिटमा परेकी छिन्।

हाल राधा न्यायको खोजीमा छिन् भने घटना बारे प्रहरीलाई जानकारी गराएपछि एक जनालाई पक्राउ गरिएको प्रहरीले जनाएको छ।यो घटना राधा मात्रको कथा होइन, मधेशमा बढ्दो घरेलु हिंसाको प्रतिनिधि उदाहरण हो। अझै पनि धेरै महिला दिदीबहिनीहरू घरभित्रै मिलापत्रको नाममा मौन बस्न बाध्य छन्। कानुनी र सामाजिक दुवै हिसाबले यस्ता पीडित महिलालाई सहयोग र न्याय दिलाउने वातावरण निर्माण हुनु अहिलेको अपरिहार्यता बनेको छ।

सन्देश: समाजिक चेतना र कानुनी पहुँच बिना महिला हिंसाको ग्राफ झनै बढ्दै जाने खतरा छ।