लोसपा सङ्ग एकता पछी जसपा नेपालले बनायो २७९ सदस्यीय केन्द्रीय समिति

 काठमाडौँ । जनता समाजवादी पार्टी नेपालले २७९ सदस्यीय केन्द्रीय समिति बनाएको छ । महन्थ ठाकुर नेतृत्वको लोकतान्त्रिक समाजवादी पार्टी नेपालसँग एकतापछि जसपा नेपालले एकीकृत पार्टीको केन्द्रीय समिति निर्माण गरेको हो । 
त्यसमा संरक्षक महन्थ ठाकुर रहेका छन् भने अध्यक्षमा उपेन्द्र यादव रहेका छन् । ३३ जनाको पदाधिकारीमा सहअध्यक्ष शरद सिंह भण्डारी रहेका छन् भने वरिष्ठ नेतामा रकम चेम्जोङ वरिष्ठ नेता रहेका छन् । सात जना उपाध्यक्षमा उमाकान्त चौधरी, जितेन्द्रप्रसाद सोनार, निलम वर्मा, परमेश्वर साह, राजकिशोर यादव, रेणुकुमारी यादव रहेका छन् । 
तीन जना महासचिवमा प्रकाश अधिकारी, लालबाबु राउत र डा.सुरेन्द्र झा रहेका छन् । उपमहासचिवहरूमा जयनुल राइन, दीपक कार्की, रामप्रकाश चौधरी, रानीकुमारी तिवारी, राजकुमार राई, रेखा यादव र लीलादेवी सिटौला रहेका छन् । ११ जना सचिव रहेका छन् । कोषाध्यक्षमा सुरिताकुमारी साहलाई राखिएको छ । नयाँ कार्यकारिणी समिति २९ सदस्यीय रहेको छ ।  २७९ सदस्यीय केन्द्रीय समितिमा लाेसपाबाट ११० जना रहेका छन् ।