लहान–२३ मा खानेपानी, सरसफाइ तथा स्वच्छता अभियानलाई प्रभावकारी बनाउने छलफल
शियाराम यादव ,पुष-९
लहान नगरपालिका वडा नम्बर २३ मा खानेपानी, सरसफाइ तथा स्वच्छता अभियानसम्बन्धी वडा स्तरीय सरोकारवालाहरूसँग समन्वय बैठक सम्पन्न भएको छ। वाटर एडको समन्वयमा आयोजना गरिएको उक्त कार्यक्रमको अध्यक्षता लहान नगरपालिका–२३ का वडा अध्यक्ष बद्री प्रसाद यादवले गर्नुभएको थियो।
कार्यक्रमका प्रमुख अतिथि जिल्ला समन्वय समिति सिरहाका प्रमुख दिनेश कुमार महतो रहनुभएको थियो। बैठकमा खानेपानी, सरसफाइ तथा स्वच्छताका विषयमा वडा स्तरमा गर्न सकिने पहल, चुनौती र सहकार्यका विषयमा छलफल गरिएको थियो।
कार्यक्रममा विभिन्न संघ–संस्थाका प्रतिनिधि, राजनीतिक दलका प्रतिनिधि, बुद्धिजीवी, समाजसेवी, सामाजिक अगुवा, स्वास्थ्यकर्मी तथा स्थानीय बासिन्दाहरूको उल्लेखनीय उपस्थिति रहेको थियो। बैठकले वडा स्तरमा समन्वय र सहकार्यलाई अझ प्रभावकारी बनाउने निष्कर्ष निकालेको छ।
अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।
तपाईंको प्रतिक्रिया लेख्नुहोस्