कतारमा आज देखि अरब कप सुरु हुँदै

रामएकवाल राम
कतार , दोहा । कतारमा आज देखि ११ औं अरब कप प्रतियोगिता सुरु हुँदैछ ।
अरब राष्ट्रका उत्कृष्ट १६ टिमले प्रतियोगितामा आफ्नो देशको नेतृत्व गर्दैछ । ६० हजार सिट क्षमता भएको अल खोरस्थित अल बायत रंगशालामा आज बेलुकी ७:३० बजे कतार र प्यालेस्टाइन बिचको खेल संगै प्रतियोगिताको उद्घाटन हुँदैछ । अमिर शेख तमिम बिन हमाद अल थानीले प्रतियोगिताको उद्घाटन गर्नुहुनेछ ।
सन् १९६३ मा गठन भएको संयुक्त अरब फुटबल एसोसिएसनले लेबनानमा पहिलो पटक अरब कपको आयोजना गरेको थियो । जसमा ५ राष्ट्रले सहभागिता जनाएको प्रतियोगिता टुनिसियाले जितेको थियो ।त्यसयता ११ पटक आयोजना भएको प्रतियोगिता सबैभन्दा धेरै इराकले ४ पटक जितेको छ । त्यस्तै साउदी अरेबियाले दुई र टुनिसिया मोरोक्को र इजिप्टले एक एक पटक जितेको छ । सन् २०१२ यता विभिन्न कारणले प्रतियोगिता आयोजना भएको थिएन ।
फिफाको ब्रान्डिङमा पहिलो फिफा अरब कप कतारले यसअघिको संस्करण आयोजना गरेको थियो । जम्मा २३ अरब देशबाट फिफा वरियताको आधारमा नौ देश सिधै प्रतियोगितामा छनौट भएका थिए । १४ मध्ये छनौट चरणको आधारमा बाँकि ७ देशले प्रतियोगितामा स्थान बनाए ।