कतारमा पत्रकार सुरेन्द्र कुमार कामती सम्मानित

रामएकवाल राम

दोहा :- कतार भ्रमणमा रहनु भएका सिराहाका पत्रकार सुरेन्द्र कुमार कामतीलाई एक कार्यक्रम विच सम्मान गरेका छन।

सोमबार बेलुकी मुन्ताजा पार्क नजिकै रहेको गोर्खाली रेस्टुरेन्टको सभाहलमा मधेश प्रदेश समन्वय परिषद कतार तथा दोहामा स्थापित मधेसका विभिन्न संघ संस्थाहरुको संयुक्त आयोजना पत्रकार कामतीलाई स्वागत तथा सम्मान गरेको हो।

कार्यक्रममा विभिन्न संघ संस्थाका अध्यक्ष तथा प्रतिनिधिहरु समाजसेवी , बुद्धिजीवीहरले पत्रकार कामतीलाई मधेस प्रदेशमा रहेर सुशासन र समाजिक विषयवस्तुमा खोज पत्रकारिता साहित्यिक र सामाजिक गतिविधिहरूलाई सञ्चार माध्यममार्फत सशक्त रूपमा प्रवाह गरेको उल्लेख गर्दै सम्मान गरिएको हो।

सम्मान ग्रहणपछि कामतीले संस्थाका सम्पूर्ण पदाधिकारी र आयोजकमण्डलप्रति आभार व्यक्त गर्दै सम्मानले आफूलाई पत्रकारितामा अझ दृढ भएर अगाडि बढ्न ऊर्जा र प्रेरणा प्रदान गरेको बताए।

देशको ऐतिहासिक "सिरहा पुस्तकालयको अध्यक्षको भूमिका निर्वाह गर्दै आईरहनु भएका पत्रकार कामती काठमाडौंबाट प्रकाशन हुने नयाँ पत्रीका राष्ट्रिय दैनिकमा आबद्ध छन।उनी गल्फको सवैभन्दा चासोमध्येको एक साउदी अरबमा करिब १४ महिना बसेर अनुसन्धान र विभिन्न स्टोरी गरेका थिए।