एनआरएनए फुटाउन कसैको अधिकार नभएको: डा बद्री केसी

रामएकवाल राम

दोहा :- गैर अवासिय नेपाली संघका अध्यक्ष डा . बद्री केसीले एनआरए फुटाउन कसैको हक अधिकार नभएको बताउनु भएको छ।

एनआरएनए एनसीसी कतारको ११ औ राष्ट्रिय अधिवेशन लाई सम्बोधन गर्दै उनले यस्तो बताए हुन। एनआरएनए प्रवासमा रहेका नेपालीलाई एकीकृत गर्न बनेको सामाजिक संस्था रहेको बताउदै एनआरएनएले आवाज उठाएका कारण श्रमिक कोष आएको  बताउनु भएको छ। त्यो कोषमा जम्मा भएको ८ अर्बभन्दा बढी रकम श्रमिककै लागि खर्चनुपर्ने पनि बताए।

उनले अन्तर्राष्ट्रिय समितिको विधानमै एमआईस प्रणालीबाट सदस्यता वितरण गर्नुपर्ने लिखित प्रावधान भए पनि एनसीसी कतारले विधानसम्मत काम नगरेको, सदस्यता वितरणमा ढिलासुस्ती गरेको र कतारको अधिवेशन नै सार्ने रमेश भट्ट मातहतको एनसीसीले चाल चलेको हुँदा आफूहरूले कारबाही गरेर केशव कार्कीलाई संयोजक तोकेर एनसीसीको अस्तित्व जीवित राखेको बताए।

शुक्रबार दोहाको क्राउन प्लाजामा भएको ११ औ राष्ट्रिय अधिवेशन समितीका संयोजक तथा कार्यक्रम सभापति केशव कार्कीले समापन गर्दै आफ्नो नेतृत्वमा रहेको समितिले अधिवेशन गराउने जिम्मेवारी पाएसँगै सबैको साथ स्नेहले अधिवेशन भव्य भएको बताए । आफू एनसीसी अभियानमै रहेर समाजको हितमा लाग्ने पनि बताए 

वैधानिक बाध्यताका कारण एनसीसी कतारले बिहीबार साँझ प्रमाण पत्र वितरण तथा शपथग्रहण कार्यक्रमको आयोजना गर्दै पदम गिरीको अध्यक्षतामा सर्वसम्मत चयन भएको ३६ सदस्यीय कार्यसमितिले शपथग्रहण गरेको थियो ।  निर्वाचन समितिका संयोजक कमलमणि गुरागाईँले सर्वसम्मत चयन भएको कार्यसमितिलाई पद तथा गोपनीयताको शपथ ग्रहण गराएका थिए ।

कार्यसमितिको प्रथम उपाध्यक्षमा रोशन अर्याल, द्वितीय उपाध्यक्ष सुवासबहादुर थापा, तृतीय उपाध्यक्ष लीला राई, महिला उपाध्यक्ष रामकुमारी तामाङ, युवा उपाध्यक्ष टंकबहादुर वि.क., महासचिव शिव भुजेल, सचिवहरूमा क्रमशः खेमराज सुबेदी, ईसीलाल पण्डित र शंकरमान राई, कोषाध्यक्षमा प्रेम कुमार बस्नेत, सह–कोषाध्यक्षमा मो. आजाद मन्सुर, महिला संयोजक अप्सना मिया, युवा संयोजक छम बहादुर चन्द (सुलभ) रहेका छन।

त्यस्तै कार्यसमिति सदस्यहरूमा बलराम कौशल, शेख फैयाज, कृष्ण ढकाल, भानुभक्त शर्मा, निराज स्याङ्तान, मानसिंह बिक, किरण परियार, दीपेन्द्र गैरे, गुणराज कटुवाल, सुशील गौतम, ईशान रेग्मी, रबिन खत्री, प्रेम प्रकाश शाही, रबिन अधिकारी, सियाराम यादव, अर्जुन कुमार यादव, प्रतिमा शिवा, रमेश महर्जन, युवराज पोखरेल रहेका छन।

एनसीसीको लेखा समिति संयोजकमा पदमबहादुर रानाभाट, सदस्य द्वयमा साजिद एकवल, हेमराज रिजाल रहेका छन् ।  त्यस्तै आईसीसी सदस्यहरूमा झविन्द्र बेबासले, ईश्वरराज पौडेल, शिव कुमार महतो र मीनराज वाग्ले रहेका छन।