बारा - गर्मी अत्यधिक बढेपछि बारा र पर्साका धेरैजसो विद्यालय बन्द भएका छन्।पर्साको वीरगन्ज महानगरपालिका, बाराको कलैया उपमहानगरपालिकासहितका स्थानीय तहले आजदेखि तीन दिनसम्म विद्यालय बन्द गर्ने निर्णय गरेका हुन्।
बारा र पर्साका स्थानीय तहहरूले सूचना निकालेर गर्मीको कारण पठनपाठनमा समस्या भएपछि केही दिन विद्यालय बन्द गर्न लागिएको जानकारी दिएका छन्।
पर्साको पोखरिया नगरपालिका मेयर प्रदुमनप्रसाद चौहानले अत्यधिक गर्मीका कारण आजदेखि जेठ ३० गतेसम्मका लागि पालिकाभित्रका सामुदायिक र संस्थागत विद्यालयमा गर्मी बिदा दिने निर्णय भएको बताए।
मंगलबार देशका धेरै ठाउँमा सानोठूलो वर्षा भए पनि मधेस प्रदेशका जिल्लामा भने वर्षा नहुँदा गर्मी घटेको छैन।
कलैया उपमहानगरपालिकाका शिक्षा शाखा प्रमुख राजिवकुमार यादवले गर्मी अत्यधिक बढेकाले जेठ २८ देखि ३० गतेसम्म तीन दिन विद्यालय बन्द गर्ने निर्णय गरिएको बताए।
हेर्नुहाेस् कलैया उपमहानगरले विद्यालय बन्द गर्न निकालेकाे सूचना
