सप्तरी - सप्तरीको सुरुगा नगरपालिका - ४ कनकपुर स्थित श्री राष्ट्रिय आधारभुत विद्यालय कनकपुरको आयोजना तथा जन चेतना दलित संगम र सुरुङ्गा नगरपालिकाको समन्वयमा विद्यालय भर्ना अभियान २०८२ का घरदैलो सहित रयाली यात्रा गरीएको छ ।
सबै बालबालिकाको विद्यालयमा सहभागीता निशुल्क र गुणस्तरिय शिक्षा प्राप्तीमा सुनिश्चिता नारा सहित विद्यालय भर्ना अभियान संचालन गरीएको छ । कनकपुर विद्यालयको प्राङ्गण देखी निकालीएको विद्यालय भर्ना र्याली गाउँ परिक्रमा गरी पालिकाको वाडा - ३ लक्ष्मीपुर सम्म परीक्रममा गरीएको थियो ।
र्याली तथा घरदैलो कार्यक्रमले विद्यालयमा उल्लेखनीय विधार्थी नयाँ भर्ना भएका छन । जसमध्ये अहिले ७ जना दलित बालबालिकाहरुको जन्मदर्ता नभएकाले भर्ना गर्न समस्या भएको विद्यालयका प्रधानाध्यापक मन्जु यादवले बताउनु भएको छ ।
भर्ना अभियान र्यालीमा विद्यालयका व्यवस्थापन समितिका अध्यक्ष सोमन यादव लगायत अन्य सदस्यहरु, प्रधानाध्यापक मन्जु यादव अन्य शिक्षक शिक्षीका , अभिभावक , विधार्थी , जनचेतना दलित संगमका कार्यकारी निर्देशक ईन्द्र राम , अन्य समाजसेवि गरी २ सय पचास जनाको सहभागी रहेको थियो ।
उमेर पुगेका तथा विद्यालय बाहीर रहेका सबै बालबालिकाहरुलाई विद्यालयमा भर्ना गराउन सहयोग गर्न द फ्रिडम फण्डको सहयोगमा जन चेतना दलित संगम द्धारा सुरुगा नगरपालिका खडक नगरपालिका ,बलानबिहुल गाउँपालिका, अग्निसाईर कृष्ण सवरण गाउँपालिका र सप्तकोशी नगरपालिकाका जम्मा २० वटा विद्यालयहरुमा भर्ना अभियानमा सहयोग गरीएका छन ।
नयाँ भर्ना भएका हरवा चरवा दलित छात्रछात्राहरुको लागी कुल १० वटा टयुशन केन्द्र संचालन गरीएका छन । गत वर्ष ३०० जना विद्यार्थीहरुलाई छात्रबृति वितरण गरीए पनि यस वर्ष २०२५ मा जम्मा १५० जना हरवा चरवा र अति जेहेन्दार छात्रछात्राहरुलाई पढाईमा सहयोग पुरयाउने उदेश्य सहित छात्रबृति वितरण गर्ने योजना रहेको कार्यक्रारी निर्देशक ईन्द्र रामले जानकारी गराउनु भएको छ ।
छात्रबृति अन्तर्गत छात्रछात्राहरुको लागी स्कुल ब्याग, कापी, पेन्सिल , ईरेजर कटर, स्कुल ड्रेस गरी कुल प्रति विधार्थी बराबर २ हजार ५ सय बरावरको छात्रबृति वितरण गर्ने योजना रहेको छ ।
