धनुषा - धनुषाको सहिदनगर नगरपालिका–५ यदुकोहामा विष सेवनका कारण तीन बालबालिकाको ज्यान गएको छ । विष सेवनबाट आमा गम्भीर छिन् ।
स्थानीय सुशील साहका ६ वर्षीय छोरा आदित्य साह, ४ वर्षीया छोरी आकृति साह र २ वर्षीया आरुसी साहको विष सेवनबाट ज्यान गएको हो । आमा, ३० वर्षीया पविता साह गम्भीर अवस्थामा छन् र उनको जनकपुरस्थित प्रादेशिक अस्पतालको भेन्टिलेटरमा उपचार भइरहेको छ ।
जिल्ला प्रहरी कार्यालय धनुषाका प्रहरी निरीक्षक सञ्जीव यादवका अनुसार सोमबार साँझ करिब ६ः४० बजे आमासहित सन्तानहरूले विष सेवन गरेको अवस्थामा फेला परेका थिए । स्थानीयले तत्कालै सबैलाई अस्पताल पु¥याएका थिए । त्यहाँ तीनै बालबालिकालाई मृत घोषा गरिएको थियो ।
घटना बारे प्रहरीले राति पौने ९ बजे मात्रै जानकारी पाएको थियो । प्रारम्भिक अनुमान अनुसार, घरायसी विवादकै कारण पविताले आफ्ना तीन छोराछोरीलाई विष खुवाई हत्या गरेको र आफैंले पनि आत्महत्याको प्रयास गरेको हुन सक्न प्रहरीको आशंका छ ।
