रामएकवाल राम
दोहा , कतार :- कतारमा रहेका नेपालीहरूले निःशुल्क स्वास्थ्य परीक्षण कार्यक्रम मार्फत लाभ लिएका छन।
वैचारिक संस्थाहरुको संयुक्त आयोजनामा तथा मधेसी एकता समाज कतारको सहयोगमा शुक्रबार बिहान अल वकरा स्थित एसियन मेडिकल सेन्टरमा स्वास्थ्य परीक्षण कार्यक्रममार्फत १८१ जना नेपालीहरुले चेक जाच गराई लाभ लिएका हुन।
कतारका लागि नेपाली राजदूत रमेशचन्द्र पौडेल, नेपाली नियोग कतारका प्रथम सचिव कृष्ण कुमार क्षेत्रीको विशेष उपस्थिती रहेको थियो।राजदूत पौडेलले एसियन मेडिकल सेन्टरले नेपाली नागरिकका लागि प्रदान गरेको सहुलियत र सहजताका लागि आभार व्यक्त गरे।
अस्पतालको तर्फबाट डा.अलिया फतिमा हैदेरीले नेपाली नागरिकका लागि विशेष छुटमा उपचार गर्ने प्रतिबद्धता जनाउँदै मानवीय सहायताका लागि अस्पतालले नेपाली समुदायसँग जोडिन कार्यक्रम लाभदायक रहने विश्वास व्यक्त गरिन।
स्वास्थ्य परीक्षण कार्यक्रममा,ब्लड प्रेसर, ब्लड सुगर,बिमआइ जनरल डाक्टरहरूबाट कन्सल्ट, डेनटल चेकअप, कोलेस्ट्रोल लगायतका रोगहरूका बारेमा निःशुल्क चेकजाँच गरेको प्रवासी नेपाली एकता मञ्च कतारका अध्यक्ष मोहम्मद मुक्तादा मुसलमानले जानकारी दिए।
दोहामा स्थापित विभिन्न संघ संस्थाको प्रमुख एव प्रतिनिधि तथा नेपाली नेपाली दाजुभाइ - दिदिबहिनीहरुको बाक्लो उपस्थिति रहेको थियो।
