लहान रमाइलो मेला चैत २७ देखि वैशाख १० गतेसम्म १ करोड व्यापारको अपेक्षा
बिरेन्द्र प्रसाद नेपाल
लहान, चैत २५ – सामूहिक प्रयास नेपालले लहानमा सामाजिक उत्तरदायित्व अन्तर्गत सरसफाइ तथा लागुऔषध नियन्त्रण अभियानपछि अब व्यापार प्रवर्द्धन र संस्कृति संरक्षणलाई प्राथमिकता दिँदै ‘रमाइलो मेला’ आयोजना गर्न लागेको छ। मेलाको सुरुवात चैत २७ देखि वैशाख १० गतेसम्म हुनेछ।
सांस्कृतिक कार्यक्रम अन्तर्गत विभिन्न चर्चित कलाकारहरूको प्रस्तुति रहनेछ। चैत २७ गते अन्जु कुशवाहा, २९ गते जोगिन्दर पान वाला, वैशाख १ गते प्रीति पासवान, २ गते कमल खत्री, ३ गते ज्योती मगर, ५ गते अनु चौधरी, ७ गते जादुगरको प्रस्तुति तथा ९ गते एलिना चौहानको भव्य कार्यक्रम रहनेछ।
सामूहिक प्रयास नेपालका अध्यक्ष अमित कुमार श्रेष्ठका अनुसार, मेलाबाट भएको आम्दानीबाट लहान वडा नं. ४ मा सामाजिक पूर्वाधार निर्माण कार्य गरिनेछ। मेलामा कलाकारहरूका लागि तुलनात्मक रूपमा बढी पारिश्रमिक खर्चिनुपर्ने भए पनि सामाजिक र आर्थिक योगदानका दृष्टिकोणले कार्यक्रम महत्वपूर्ण हुने विश्वास लिइएको छ।
अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।
तपाईंको प्रतिक्रिया लेख्नुहोस्