पत्रकार हत्याको विरोधमा लहानमा प्रदर्शन
लहान । समाचार संकलनका क्रममा पत्रकारको हत्या र सञ्चारगृहमाथि आक्रमणको विरोधमा सिराहाका पत्रकारहरुले शनिबार लहानमा प्रदर्शन गरेका छन।नेपाल पत्रकार महासंघ सिराहा शाखाको आयोजनामा जिल्लाभरका पत्रकार विरोध र्यालीमा सहभागी भई कोण सभामा उपस्थित भएका थिए ।
संघीय राजधानी काठमाडौँको तीनकुनेमा राजावादी आन्दोलनका क्रममा आगजनी हुँदा एभिन्यूज टेलिभिजनका पत्रकार सुरेश रजकको जलेर मृत्यु भएको थियो। त्यस्तै, आन्दोलनकारीहरूले विभिन्न सञ्चारमाध्यममाथि आक्रमण गरेका थिए । सो घटनाको विरोधमा नेपालभरका पत्रकारहरू आन्दोलित भएका छन।
लहानको शहीद चोकमा भेला भई सुरु गरेको विरोध र्याली नगर परिक्रमा गर्दै पुनः सहिद चौकमा कोण सभामा परिणत भएको थियो । पत्रकारहरूले दोषीलाई कारबाही गर सञ्चारमाध्यममाथि आक्रमण बन्द गर प्रेस स्वतन्त्रता जिन्दावाद पत्रकार कुट्न पाइँदैन’ जस्ता नारा लगाएका थिए।
काेणसभा पत्रकार दिनेश्वर प्रसाद गुप्ता, अर्जुन थपलिया, राजेश विद्राेही, सुजित राउत, यमुना खनाल लगायतका पत्रकारहरुले सम्बोधन गर्दै जघन्य अपराधमा संलग्न दोषीलाई तत्काल पक्राउ गरी कारवाही गर्न माग गरे । साथै संविधानअनुसार पूर्ण प्रेस स्वतन्त्रता कायम गर्न सरकारलाई दबाब दिने चेतावनी दिए।
पत्रकार महासंघ सिरहा शाखाका अध्यक्ष मनाेज बनैता अध्यक्षता भएकाे थियाे भने कार्यक्रमकाे संचालन नेपाल पत्रकार महासंघ सिरहा शाखाका उपाध्यक्ष राेयाण्टर मण्डलले गर्नुभएकाे थियाे ।
अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।
तपाईंको प्रतिक्रिया लेख्नुहोस्