तराई मधेश जागरण अभियानको महोत्तरीमा भब्य तयारी, २२ गते प्रचण्डले सम्बोधन गर्ने

 महोत्तरी ।  तराई मधेश जागरण अभियानको लागि माओवादी केन्द्र महोत्तरीले भब्य तयारी गरेको छ । २२ फाल्गुनमा जिल्लाको  सम्सी बजारमा हुने आमसभामाको लागि पूर्ण  तयारी गरेको हो ।

आमसभामा मात्र १२ हजार मानिसहरु  सहभागी हुने माओवादी केन्द्र महोत्तरीले जनाएको छ । माओवादी केन्द्रको पौष-२१ देखि २३ गतेसम्म बसेको बैठकले पार्टीलाई जनतासँग जीवन्तरुपमा जोडने, सुझावहरु संकलन गर्ने र जनता पार्टी नेतृत्वको सम्बन्धलाई बिस्तार गर्ने उदेश्य अन्तर्गत तराई-मधेश जागरण अभियान संचालन गर्ने निर्णय गरेको थियो ।

यही अन्तर्गत आज नै अध्यक्ष प्रचण्डसहित पदाधिकारीहरु जिल्लाको मटिहानी प्रवेश गर्नेछन । मटिहानीका नगरप्रमुख हरि मण्डल र जलेश्वरका नगरप्रमुख सुरेश साह सोनारले उनीहरुलाई भब्य स्वागत गर्ने कार्यक्रम छ ।

पदाधिकारीहरुलाई स्वागत गर्न जिल्लाका मुख्यद्वारहरुमा मात्र २ सय भन्दा बढी गेटहरु सजाईएका छन् । २२ गते एकडारा गाँउपालिकामा जनतासँग खुल्ला संवाद गरेपछि पदाधिकारीहरु सम्सीतर्फ अगाडी बढने माओवादी केन्द्रका केन्द्रिय सदस्य प्रकाश पोखरेलले जानकारी दिए ।

फाल्गुन-१२ गते झापाको कचनकवलको वनियानी वजारवाट सुरु भएको यो अभियान २२ गते आमसभा गरेपछि सर्लाही प्रवेश गर्ने कार्यतालिका रहेको माओवादी केन्द्रले जनाएको छ ।