बोदे बर्साईन नगरपालिकामा सरसफाई कार्यक्रमको आयोजना

उमेश कुमार साह

बोदे बर्साईन सप्तरी : १८ फाल्गुन : सप्तरीको बोदे बर्साईन नगरपालिका स्वास्थ्य शाखाको आयोजनामा वडा नम्बर १ देखी १० सम्म सरसफाई कार्यक्रमको आयोजना गरेको छ । स्वास्थ्य वातावरण हाम्रो आबश्यकता, सफा घर आंगन हाम्रो प्रतिबद्धता भन्ने मूल नाराको साथ उक्त सरसफाई कार्यक्रमको आयोजना गरिएको हो ।

कार्यक्रममा बोदे बर्साईन नगर भित्र रहेका मठ मन्दिर, बजार, विभिन्न चौक लगायतका स्थानहरुको सरसफाई गरिएको छ । बोदे बर्साईन नगरपालिका अन्तरगत स्वास्थ्य शाखाको प्रमुख बैधनाथ साहले नगरपालिका भित्र रहेका हाट बजार ,मठ  मन्दिर , लगायतका स्थानहरुको फोहर दैनिक रुपमा सरसफाई गर्ने आग्रह गरे।

यस्तो कार्यक्रम जनचेतना जगाउन आबश्यक रहेकाले हरेक दिन २/३ घण्टा कार्यक्रमको आयोजना गर्ने उनले जानकारी दिए । स्वास्थ्य शाखा प्रमुख साहको अध्यक्षतामा आयोजित कार्यक्रममा सशस्त्र प्रहरी, नेपाल प्रहरी, वडा नम्बर १ का अध्यक्ष रबिन्द्र कुमार साह , वडा नम्बर २ का अध्यक्ष राम प्रसाद राम, वडा सचिव, लगायतका सरोकारवालाको सहभागीता रहेको थियो ।