आज ७६औं गणतन्त्र दिवस मनाउँदै भारत

काठमाडौँ । छिमेकी देश भारतले आज (आइतबार) ७६औं गणतन्त्र दिवस मनाउँदै छ। यस अवसरमा भारतका प्रधानमन्त्री नरेन्द्र मोदीलगायतका नेताहरूले देशवासीलाई शुभकामना दिएका छन्।

प्रधानमन्त्री मोदीले आफ्नो सामाजिक सञ्जाल मार्फत् संविधान निर्माण गरेर लोकतन्त्र, स्वाभिमान र एकतामा आधारित विकास यात्रा सुनिश्चित गर्ने सबै व्यक्तित्वहरूको सम्झना गर्दै गणतन्त्र दिवसको शुभकामना दिएका छन्। उनले इन्स्टाग्राममा लेखेका छन्, “गणतन्त्र दिवसको धेरै–धेरै शुभकामना। यस अवसरमा हाम्रो संविधान निर्माण गरेर लोकतन्त्र, स्वाभिमान र एकतामा आधारित हाम्रो विकास यात्रा सुनिश्चित गर्ने सबै महान् व्यक्तित्वहरूलाई हामी सलाम गर्दछौं।”

रक्षामन्त्री राजनाथ सिंहले पनि ट्वीटरमा देशवासीलाई गणतन्त्र दिवसको शुभकामना दिएका छन्, “यो हाम्रो लोकतन्त्र मनाउने अवसर हो।”

समाजवादी पार्टीका अध्यक्ष अखिलेश यादव र बहुजन समाज पार्टीकी प्रमुख मायावतीले पनि गणतन्त्र दिवसको शुभकामना दिएका छन्। यादवले ट्वीटरमा लेखेका छन्, “गणतन्त्र दिवसको पावन अवसरमा सबैलाई हार्दिक बधाई तथा शुभकामना।” वहीं, मायावतीले इन्स्टाग्राममा लेखेकी छिन्, “भारतको ७६औं गणतन्त्र दिवसको अवसरमा स्वदेश तथा विदेशमा रहनुभएका सम्पूर्ण भारतीयहरूलाई हार्दिक बधाई तथा शुभकामना।”