दुर्घटनामा परी मधेशका स्वास्थ मन्त्री घाइते
जनकपुरधाम- मधेश प्रदेशका स्वास्थ्य तथा जनसंख्यामन्त्री शत्रुधनप्रसाद सिंह सवारी दुर्घटनामा घाइते भएका हुन्।
उनी सवार गाडीलाई सोमबार बेलुका जनकपुरधामको रामानन्द चोकमा अर्काे गाडीले ठक्कर दिएको जिल्ला प्रहरी कार्यालय, धनुषाका डिएसपी बरुण कुमार सिंहले बताए।
अनुसार मन्त्री सिंह सवार मधेश प्रदेश ०२– ००१ झ ०१६५ नम्बरको गाडीलाई मधेश प्र ०३–००१ झ ००९६ गाडीले ठक्कर दिएको हो । ठक्कर दिने गाडी खानेपानी डिभिजन पर्साको भएको प्रहरीले जनाएको छ ।
दुर्घटनामा मन्त्री सिंहसहित दुवै गाडीका चालक समेत घाइते भएको र उनीहरुको प्रादेशिक अस्पतालमा उपचार भइरहेको प्रहरीले जनाएको छ।
अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।
तपाईंको प्रतिक्रिया लेख्नुहोस्