ट्र्याक्टर चोरेको आरोपमा पक्राउ
संखुवासभा । ट्र्याक्टर चोरेको आरोपमा खाँदबारी नगरपालिका-८ सार्कीडाँडाका २० वर्षीय गजेन्द्र रसाइलीलाई प्रहरीले पक्राउ गरेको छ । उनले भोजपुर षडानन्द नगरपालिका-६ कुमालगाउँका नरबहादुर कुमालको प्रदेश १-०२-००३ त २७५५नम्बरको ट्र्याक्टर चोरेको प्रहरीले जनाएको छ ।
उनलाई तुम्लिङटारमा लुकिछिपी बसेको अवस्थामा पक्राउ गरेको प्रहरी निरीक्षक अभिषेक श्रेष्ठले बताए ।संखुवासभा पाँचखपन नगरपालिका-६ वानाबाट पुस बुधबार राति चोरी भएको ट्र्याक्टर खाँदबारी-१ को चिल्ले चौतारा नजिक भेटिएको थियो । उनलाई जिल्ला अदालत चैनपुरबाट शुक्रबार ६ दिनको म्याद थप भई मुलुकी अपराध संहिता, २०७४ बमोजिम अनुसन्धान भई रहेको प्रहरीले जनाएको छ ।
अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।
तपाईंको प्रतिक्रिया लेख्नुहोस्